بلاول برازیل فٹبال ٹیم کے فین نکلے،شائقین کو میچز دیکھنے کیلئے لیاری انٹرنیشنل اسٹیڈیم بلوالیا

پاکستان پیپلزپارٹی کے چیئرمین بلاول بھٹو زرداری برازیل فٹبال ٹیم کے فین نکلے۔ 

بلاول بھٹو نے ایکس پر ویڈیو بیان جاری کرتے ہوئے برازیل کی یلو جرسی پہن کر فٹبال ورلڈ کپ کے میچز دیکھنے کے لیے شائقین فٹبال کو لیاری انٹرنیشنل اسٹیڈیم بلوالیا۔ 

بلاول بھٹو نے ویڈیو بیان میں کہا کہ فٹبال ورلڈکپ کا آغاز ہورہا ہے، پیپلزپارٹی نے کراچی کے عوام کے لیے ایک تحفہ دیا ہے ، ہم نے لیاری کے انٹرنیشنل اسٹیڈیم میں بڑی اسکرین لگائی گئی ہے۔

بلاول نے کہا کہ میں سب کو دعوت دیتا ہوں، آپ لیاری اسٹیڈیم آئیں، بڑی اسکرین پر میچ انجوائے کریں۔

بلاول  کے مطابق لیاری اسٹیڈیم میں نصب اسکرین پر فٹبال ورلڈکپ کے تمام میچز دکھائے جائیں گے۔