طالبان نے پاکستان سے نکلنے والے دریائے کنڑ پر ڈیم بنانے کا فیصلہ کرلیا

کابل:افغانستان کی طالبان حکومت بھی بھارتی طرزپرآبی جارحیت پر اترنے لگی ۔افغان طالبان کی حکومت نے پاکستان کےعلاقے چترال سے آنے والے دریائے کُنڑ کے کابل میں دریا سے ملنے کے مقام پر ڈیم بنانے کا فیصلہ کیا ہے جہاں سے دریا واپس پاکستان آتا ہے۔اس اقدام سے پاکستان آنے والے پانی کا حصہ کم ہو جائے گا۔ طالبان کی وزارت برائے پانی و توانائی  کے مطابق منصوبے کا تخمینہ اور ڈیزائن تیار ہے بس فنڈنگ کا انتظار ہو رہا ہے ۔ طالبان کے سپریم لیڈر ملا ہبتہ اللہ اخوندزادہ نے ڈیم کی تعمیر میں تیزی لانے کی ہدایت کی ہے ۔