آکسفورڈ یونیورسٹی نے طلبہ کو چیٹ جی پی ٹی سے مدد لینے کی اجازت دے کر سب کو حیران کر دیا

لندن : آکسفورڈ یونیورسٹی نے اپنے طلبا کو چیٹ جی پی ٹی کی مفت رسائی دے دی ہے ۔ برطانیہ کی تاریخی یونیورسٹی اس اقدام کے بعد طلبا کو چیٹ جی پی ٹی تک مفت میں رسائی دینے والی پہلی یونیورسٹی بن گئی ہے ۔ تمام طلبا اور اسٹاف کو چیٹ جی پی ٹی ایجوکیشن ورژن دیا گیا ہے ۔ یہ خاص ورژن تعلیمی اداروں کے لیے بنایا گیا ہے جس میں ڈیٹا کے استعمال کے حوالے سے سخت ضوابط رکھے گئے ہیں ۔

چیٹ جی پی ٹی کی لانچ اور مقبولیت کے بعد تعلیم کے شعبے میں اس پلیٹ فارم کو نقل کے لیے استعمال کیے جانے کے امکانات پرکئی ممالک میں بحث چھڑ کی ہے ۔ یونیورسٹی کی پرو وائس چانسلر فار ڈیجیٹل این ٹریفتن نے کہا ہے کہ اسٹاف اور طلبا کی ایک بڑی تعداد پہلےہی جنریٹیو اے آئی کا استعمال کر رہی ہے۔ یونیورسٹی اس سہولت کو طلبہ کے حوالے کرنا چاہتی تھی ۔