پی ٹی اے کی موبائلز کی رجسٹریشن کے حوالے سے نئی پالیسی آگئی

لاہور : پی ٹی اے نے موبائل ڈیوائسز کے انٹرنیشنل موبائل ایکوپمنٹ آئیڈنٹیٹی (آئی ایم ای آئی) ریکارڈ کو ہٹادیا ہے۔ اعلامیے کے مطابق اقدام کا مقصد ڈیوائس کی شناخت، رجسٹریشن، بلاکنگ سسٹم اور مینجمنٹ کو موثر بنانا ہے۔ پی ٹی اے اور موبائل نیٹ ورک آپریٹرز کو ڈی آئی آر بی ایس آپریشنز میں بہتری ہوگی۔ صارفین کو موبائل ڈیوائسز کی بروقت رجسٹریشن اور ٹیکسز کی ادائیگی میں بھی سہولت ہوگی۔ اسی طرح اعلامیے کے مطابق غیر رجسٹرڈ موبائل فون 60 دن کے لیے ہی نیٹ ورک پر استعمال ہو سکے گا، مقررہ وقت میں ٹیکس ادا نہ کرنے پر فون دوبارہ بلاک ہو جائے گا۔