بھارتی کوریو گرافر دھنا شری کا طلاق کے بعد پہلی مرتبہ نجی زندگی پرانٹرویو

ممبئی : بھارتی کوریوگرافر دھناشری ورما نے ایک حالیہ انٹرویو میں کرکٹر یوزویندر چہل سے علیحدگی کے بعد بڑے انکشافات کئے ہیں ۔ انہوں نے دوران انٹرویو کہا کہ طلاق کے بعد کا دور بہت مشکل تھا۔ مشکل وقت میں ان کے اہلِ خانہ، دوستوں اور ٹیم نے اہم کردار ادا کیا تھا۔ سوشل میڈیا پر وائرل ہونے والے منفی تبصروں کو نظر انداز کرنا نسبتاً آسان تھا، مگر والدین کو رشتے داروں اور معاشرتی دباؤ ایک مشکل ترین مرحلہ تھا۔ انہوں نے کہا کہ انہیں موبائل فون بند رکھنے کا کہا گیا۔ بعض اوقات ان کی والدہ اداسی کا شکار ہو جاتیں تھی۔یاد رہے کہ دھناشری اور چہل کی شادی دسمبر 2020 میں ہوئی، لیکن دونوں جون 2022 میں الگ ہو گئے اور مارچ 2025 میں ان کی باضابطہ طور پر طلاق ہوگئی۔ دوسری جانب حال ہی میں دھناشری فلم ’بھول چوک معاف‘ میں راجکمار راؤ کے ساتھ ایک ڈانس نمبر میں نظر آئیں اور اب وہ تیلگو فلم آکاشم داتی وستاوہ سے اداکاری کی دنیا میں قدم رکھ رہی ہیں ۔