امریکی صدر نے بھارت سمیت برکس ممالک پر 10فیصد ٹیرف عائد کر دیا

واشنگٹن : امریکی صدر ڈونلڈ ٹرمپ نے بھارت سمیت برکس  ممالک پر سخت تجارتی پابندیوں کا اعلان کر کے ان ممالک کو ہلا کر رکھ دیا ہے۔ امریکی صدر نے کہا ہے کہ بھارت کو بھی 10 فیصد ٹیرف دینا ہوگا، اور کسی قسم کی تجارتی رعایت یا استثنیٰ نہیں دی جائے گی۔ انہوں نے کہا کہ برکس کا قیام امریکی معیشت کو نقصان پہنچانے اور ڈالر کو کمزور کرنے کے لیے کیا گیا۔ اگر کوئی ڈالر کو چیلنج کرے گا تو ہم اس کی اجازت نہیں دیں گے۔ انہوں نے واضح کیا کہ بھارت بھی چونکہ برکس کا حصہ ہے، اس لیے وہ بھی نئی ٹیرف پالیسی کے دائرے میں شامل ہوگا۔اس اقدام سے بھارت کی برآمدات متاثر ہوں گی جبکہ امریکی منڈی میں بھارتی مصنوعات مہنگی ہو جائیں گی۔