فیلڈ مارشل صدارتی منصب نہیں سنبھال رہے ، وزیر داخلہ

اسلام آباد: وفاقی وزیر داخلہ محسن نقوی نے صدر زرداری کے استعفے اور آرمی چیف کے صدارتی منصب سنبھالنے کی خبروں کومسترد کرتے ہوئے ٹویٹر ایکس پر بیان جاری کر دیا ہے ۔ انہوں نے لکھا کہ صدر، وزیراعظم اور آرمی چیف کو نشانہ بنانے والی مہم کے پیچھےکون ہے ہم جانتے ہیں،  یہ بھی جانتے ہیں ایسا کیوں کیا جارہا ہے اور اس کا فائدہ کسے پہنچے گا۔ نہ تو صدر کے استعفے کی کوئی بات ہوئی اور نہ ہی ایسی کوئی سوچ موجود ہے، نہ ایسی کوئی بات ہےکہ آرمی چیف صدارت کا منصب سنبھالنے کے خواہشمند ہیں۔ صدر پاکستان کا فوجی قیادت کے ساتھ مضبوط اور باوقار تعلق ہے جب کہ آرمی چیف کی واحد توجہ پاکستان کی قوت اور استحکام پر ہے۔ اس بیانیے میں شامل افرادکوپیغام ہے کہ دشمن ایجنسیوں کے ساتھ مل کرجوکرنا ہےکرلو، ہم وہ سب کریں گے جو پاکستان کو مضبوط بنانے کے لیے ضروری ہے۔