نیپرا نے یکم جولائی سے بجلی کے ٹیرف میں کمی کا اعلان کر دیا

کراچی: نیشنل الیکٹرک پاورریگولیٹری اتھارٹی نے یکم جولائی سےبجلی کے بنیادی ٹیرف میں کمی کا اعلان کر دیا ہے ۔ وفاقی حکومت  کی درخواست پر نیپرا نے گزشتہ روز ملک بھر کے لیے یکساں بنیادی ٹیرف پر سماعت کی تھی۔ نیپرا حکام کا کہنا ہے کہ سماعت کے بعد لائف لائن صارفین کے سوا تمام صارفین کے لیے فی یونٹ بجلی ایک روپے 15پیسےسستی کردی گئی ہے جس کا اطلاق کےالیکٹرک سمیت تمام صارفین پر ہوگا۔ ماہانہ 50 یونٹ تک لائف لائن صارف کاٹیرف 3 روپے 95 پیسےفی یونٹ پربرقرار اور ماہانہ 100 یونٹ استعمال پرلائف لائن صارف کا ٹیرف 7 روپے 74 پیسے فی یونٹ پر برقرار ہے۔نیپرا کے مطابق ماہانہ 100 یونٹ استعمال پر پروٹیکٹڈ صارف کے ٹیرف میں ایک روپے 15 پیسے کمی کرکے نیا ٹیرف 10روپے 54 پیسے مقررہوا ہے ۔