نئے مالی سال کے پہلے ہی روز سٹاک مارکیٹ میں زبردست تیزی

کراچی:پاکستان اسٹاک ایکسچینج میں زبردست تیزی دیکھی جارہی ہے ۔ جس کے بعد ایک نیا سنگ میل عبور ہوگیا ہے ۔ نئے مالی سال 2025-26 کے پہلے ہی دن کاروبار کے آغاز پر 757 پوائنٹس کی تیزی ریکارڈ ہوئی جس سے کے ایس ای 100 انڈیکس بڑھ کر ایک لاکھ 26 ہزار 384 پوائنٹس کی نئی بلند ترین سطح پو پہنچ گیا۔ سرمایہ کاروں کے اعتماد کی وجہ سے حصص کی خرید و فروخت میں تیزی کا رجحان جاری رہا اور مجموعی طور پر انڈیکس میں 2404 پوائنٹس کا بڑا اضافہ ہو گیا۔ چین کی جانب سے پاکستان کے لیے 3ارب 40کروڑ کا قرض رول اوور کیے جانے سے گزشتہ مالی سال اختتام تک آئی ایم ایف کی شرائط کے مطابق زرمبادلہ کے سرکاری ذخائر 14ارب ڈالر تک پہنچ گئے ہیں ۔ امریکا کے ساتھ متوقع تجارتی معاہدوں کے باعث پاکستان اسٹاک ایکس چینج میں پیر کو بھی تیزی کا رحجان برقرار رہا تھا۔