ایلون مسک کی کمپنی سپیس ایکس کو بڑا دھچکا

نیویارک : ایلون مسک کی کمپنی اسپیس ایکس کا اسٹار شپ 36 راکٹ دوران آزمائش دھماکے سے پھٹ گیا۔اسٹار شپ راکٹ کا ٹیکساس میں اسٹیٹک فائر ٹیسٹ جاری تھا کہ اچانک اس میں بلاسٹ ہوگیا۔ دیکھتے ہی دیکھتے اس میں آگ لگ گئی اور ٹاور بھی متاثر ہوا۔ کمپنی آفیشلز نے کہا ہے کہ ٹیسٹ  میں ایک تکنیکی غلطی ہوئی تھی جس  کے بعد دھماکا ہو گیا ۔ اس حادثے میں کوئی زخمی نہیں ہوا۔ ایلون مسک کا اس حوالے سے بیان سامنے آیاہے جس میں انہوں نے کہا ہے کہ کچھ غلطیاں ہوئیں جس کی وجہ سے منصوبہ ناکام ہوا مگر ان غلطیوں کو جانچنے کا عمل جاری رہے گا۔