روس اور چین میں چاند پر نیوکلیئر پاور سٹیشن تعمیر کرنے کا معاہدہ

بیجنگ :روس اور چین کے درمیان چاند پر نیوکلیئر پاور اسٹیشن تعمیر کرنے کا معاہدہ طے پاگیاہے جسے اہم سنگ میل قرار دیاجارہا ہے ۔ دونوں ممالک کی جانب سے دستخط کر دیئے گئے ہیں ۔ معاہدے کے مطابق روسی ری ایکٹر کو انٹرنیشنل لونر ریسرچ اسٹیشن (آئی ایل آر ایس) چلانے کے لیے استعال کیا جائے گا، جس پر دونوں ممالک مشترکہ طور پر کام جاری رکھے ہوئے ہیں۔ خلائی بیس کی تکمیل 2036 تک متوقع ہے جبکہ اس  ڈیل کی خبر ایک ایسے موقع پر سامنے آئی ہے جب امریکا کی اپنی لونر بیس کا منصوبہ غیر یقینی کا شکار ہے۔چین نے آئی ایل آر ایس پروگرام میں پاکستان، مصر، وینیزویلا، جنوبی افریقا، تھائی لینڈ اور آذربائجان سمیت 17 ممالک کو ساتھ شامل کرنے پر بھی آمادگی ظاہر کی ہے ۔