حکومت پراپیگنڈا عناصر کے خلاف سخت قوانین بنائے ، کور کمانڈرز کانفرنس

راولپنڈی:کورکمانڈرز کانفرنس میں اسلام آباد احتجاج کے دوران پاک فوج کی تعیناتی پر پروپیگنڈا کی شدید الفاظ میں مذمت کی گئی اور حکومت سے مطالبہ کیا گیا ہے کہ بے لگام غیر اخلاقی آزادی اظہارِ رائے  کی آڑ میں زہر اُگلنے ، جھوٹ اور معاشرتی تقسیم کا بیج بونے  کے خاتمے کے لئے سخت قوانین وضوابط بنائے جائیں ۔ آئی ایس پی آر کے مطابق آرمی چیف کی زیر صدارت دو روزہ 84 ویں فارمیشن کمانڈرز کانفرنس ہوئی ۔

کانفرنس کےآغاز میں شہداء کے ایصال و ثواب کے لیے فاتحہ خوانی کی گئی ۔ ملک کے امن و استحکام کیلیے قیمتی جانوں کا نذرانہ پیش کرنے والے جوانوں اور اسلام آباد میں حالیہ پُرتشدد مظاہروں میں جام شہادت نوش کرنے والے سیکیورٹی اہلکاروں کو زبردست خراج عقیدت پیش کیا۔

فورم نے بھارت کی جانب سے  مقبوضہ جموں و کشمیر میں جاری انسانی حقوق کی خلاف ورزیوں کی مذمت کی