معاشقہ سامنے آنے کے بعد امریکی ٹیکنالوجی کمپنی کے سی ای او کا استعفیٰ
واشنگٹن : امریکی ٹیکنالوجی کمپنی آسٹرونومر کے چیف ایگزیکٹو افسر اینڈی بائرن نے ملازمہ کے ساتھ معاشقے کی ویڈیو سامنے آنے کے بعد کمپنی میں استعفیٰ دے دیا ہے ۔ آسٹرونومر سے جاری بیان میں کہا گیا کہ کمپنی کے سی ای او اینڈی بائر نے استعفیٰ دیا ہے ۔ آسٹرنومو اپنے آغاز سے جاری اقدار اور کلچر کو قائم رکھنے کے لیے پرعزم ہے، ہماری قیادت سے توقع کی جاتی ہے کہ وہ اپنے رویے اور خود احتسابی کا اعلیٰ معیار برقرار رکھے اور حال ہی میں یہ معیار برقرار نہیں رہا۔جاری بیان کے مطابق کہا گیا ہے کہ اینڈی بائرن نے استعفیٰ دے دیا ہے اور بورڈ آف ڈائریکٹرز نے اسے منظور کر لیا ہے، بورڈ کمپنی کے اگلے چیف ایگزیکٹو افسر کی تلاش شروع کرے گا اور اس وقت کمپنی کے شریک بانی اور چیف پروڈکٹ آفیسر پیٹ ڈی پیٹے ڈی جوئے عبوری سی ای او کے طور پر خدمات جاری رکھیں گے۔