روزی ڈاٹ پی کے اور رفاہ انٹرنیشنل یونیورسٹی میں مفاہمتی یادداشت پر دستخط

لاہور : روزی ڈاٹ پی کی اور آر آئی یو نے صنعت اور تعلیمی تعاون کو مضبوط بنانے کے لیے مفاہمت کی یادداشت پر دستخط کیے۔جس سے طلباء کو بااختیار بنانے اور تعلیم میں نئی جدت کے ایک نئے باب کا اغاز ہوا۔ دونوں اداروں نے یونیورسٹی کے گلبرگ کیمپس، لاہور میں مفاہمت کی ایک یادداشت پر دستخط کے ذریعے ایک اسٹریٹجک شراکت داری کو باقاعدہ شکل دی ہے۔ایم او یو پر روزی ڈاٹ پی کے, کے سی ای او ایس ایچ قاضی اور رفاہ انٹرنیشنل یونیورسٹی کے چانسلر حسن محمد خان نے دستخط کیے۔

یہ تعاون صنعت اور تعلیمی روابط کو بڑھانے، AI سے چلنے والے طلباء کی پروفائل کی ترقی کو فروغ دینے اور ای-سٹوڈنٹ پلیسمنٹ سینٹر کے قیام کی جانب ایک اہم قدم کی نشاندہی کرتا ہے۔یہ اقدام نہ صرف طلباء کو بااختیار بنائے گا بلکہ مقامی اور عالمی سطح پر نئے راستے بھی کھولے گا اور انہیں روشن، زیادہ آزاد مستقبل کے لیے ضروری مہارتوں سے آراستہ کرے گا۔