بھارتی نرس کو نوجوان تیماردار کیساتھ نازیبا حرکات پر قید اور کوڑوں کی سزا

سنگاپور: ایک بھارتی نژاد نرس ایلیپ شیوا ناگو نے نازیبا حرکات کر کے اپنے ملک کی بدنامی کروا دی ۔  اسپتال میں مریض کے ساتھ آنے والے نوجوان تیماردار کو جنسی ہراسانی کا نشانہ بنایا جس پر قانون حرکت میں آگیا۔ یہ واقعہ 18 جون 2025 کو رافلز اسپتال میں پیش آیا جہاں 34 سالہ نرس نے جراثیم کُش اسپرے کے بہانے واش روم میں مریض کے نوجوان تیماردار کے ساتھ نازیبا حرکات کیں ۔

اس حرکت پر نوجوان سکتے میں آگیا اور اپنے مریض دادا کو اطلاع دی جنھوں نے اسپتال انتظامیہ کو شکایت کی اور معاملہ پولیس تک پہنچ گیا۔ دو روز بعد پولیس نے نرس کو گرفتار کرلیا جبکہ ہسپتال انتظامیہ نے اسے فارغ کر دیا۔ عدالت میں پراسیکیوشن نے دلائل دیئے کہ اس جرم نے نہ صرف متاثرہ شخص بلکہ اسپتال کے ماحول پر بھی منفی اثر ڈالا اس لیے سخت سزا ضروری ہے۔بھارتی نرس کو چودہ ماہ کی قید سنائی گئی ہے ۔